அண்மைய செய்திகள்
சுற்றுலா விசாவில் வெளிநாடு செல்லும் பெண்களை பாலியல் நடவடிக்கைகளுக்காக விற்கும் தூதரக பணியாளர்....

சுற்றுலா விசாவில் வெளிநாடு செல்லும் பெண்களை பாலியல் நடவடிக்கைகளுக்காக விற்கும் தூதரக பணியாளர்....

 

 
சுற்றுலா விசாவில் ஓமானுக்கு அழைத்துச் செல்லப்பட்ட சில பெண்கள் பாலியல் நடவடிக்கைகளுக்காக ஏலத்தில் விற்பனை செய்யப்பட்டுவதாக இலங்கை செய்திதளம் தகவல் வெளியிட்டுள்ளது. பல்வேறு துன்புறுத்தல்களுக்கு உள்ளான அவ்வாறான 90 பெண்கள் தற்போது ஓமானிலுள்ள இலங்கை தூதரகத்தின் கண்காணிப்பில் பாதுகாப்பு இல்லத்தில் தங்கவைக்கப்பட்டுள்ளனர்.
 
 தூதரகத்தினால் வாடகைக்கு பெற்றுக்கொள்ளப்பட்ட கட்டடமொன்றின் வீட்டிலேயே இவர்கள் தங்கவைக்கப்பட்டுள்ளனர். எனினும் 90 பெண்களுக்கு தேவையான அடிப்படை வசதிகள் அந்த வீட்டில் இல்லை என அங்கிருந்து வந்த பெண் ஒருவர் தகவல் தெரிவித்துள்ளார். 
 
 பாலியல் நடவடிக்கைகளுக்காக விற்கப்பட்ட பெண்கள் உள்ளிட்ட வெவ்வேறு துன்புறுத்தல்களுக்குள்ளான பெண்கள், தூதரகத்தின் கண்காணிப்பின் கீழுள்ள பாதுகாப்பு இல்லத்தில் மீண்டும் இன்னல்களை எதிர்நோக்கி வருகின்றமை இதன் மூலம் தெரியவந்துள்ளது. 
 
 தற்போது அனுராதபுரத்தில் உள்ள ஓமானில் பல்வேறு துன்புறுத்தல்களுக்குள்ளான பெண் ஒருவர் இலங்கை செய்தி ஊடகத்திற்கு கருத்து வெளியிடுகையில் பின்வருமாறு கூறியுள்ளார்.  “ஓமானில் உள்ள இலங்கை தூதரகத்தில் பணியாற்றும் ஒருவர், பாதுகாப்பு இல்லத்தில் உள்ள பெண்களை பணத்திற்கு விற்கிறார் என உறுதியாக சொல்கின்றேன்”  அப்பெண் குற்றம் சாட்டியுள்ளமை குறிப்பிடத்தக்கது.


இலங்கை யுத்தத்திற்கு ஆயுதம் வழங்கிய பாகிஸ்தான் தனியார் நிறுவனம்.....

இலங்கை யுத்தத்திற்கு ஆயுதம் வழங்கிய பாகிஸ்தான் தனியார் நிறுவனம்.....

 

 
இலங்கையில் இடம்பெற்ற விடுதலைப்புலிகளிற்கு எதிரான யுத்தத்தில் இலங்கை இராணுவம் வெற்றி பெறுவதற்கான முக்கிய பங்களிப்பை வழங்கியது எமது நிறுவன ஆயுதங்களே  என பாகிஸ்தானை சேர்ந்த   ஆயுத உற்பத்தியாளர்  தெரிவித்துள்ளதாக  டோவ்ன் செய்தி வெளியிட்டுள்ளது.
 
பாக்கிஸ்தானில் இடம்பெற்ற சர்வதேச பாதுகாப்பு கண்காட்சி மற்றும் கருத்தரங்கில் கலந்துகொண்ட தனியார் ஆயுத உற்பத்தியாளர் ஒருவர் கூறியதாவது  “தனது நிறுவனத்தில் தயாரிக்கப்பட்ட ஆயுதங்கள் மிகவும் சிறப்பானவை, பயனுள்ளவை அவை யுத்தத்தின் போக்கை தீர்மானிக்கின்றன. அதுமட்டுமன்றி எமது நிறுவனத்தில் தயாரிக்கப்பட்ட  கிரனைட் லோஞ்சர்கள் இலங்கை விடுதலைப்புலிகளிற்கு எதிரான யுத்தத்தை வெற்றிகொள்வதற்கு உதவின என தெரிவித்துள்ளார்.” 
 
அத்துடன் “எங்கள் இராணுவ தளபதி எங்கள் நிறுவனத்தின் பிரதம நிறைவேற்று அதிகாரியை அழைத்து இதற்காக நன்றி தெரிவித்துள்ளார்.  தனது நிறுவனத்தின் 30 வீதமான வருமானம் ஏற்றுமதி மூலம் பெறப்படுவதாக டோவ்ட்சன் ஆர்மரி நிறுவனத்தின் பொதுமுகாமையாளர் இர்பான் அகமட் தெரிவித்துள்ளமை குறிப்பிடத்தக்கது.
அதிபர் தேர்தலில் மீண்டும் டொனால்ட் டிரம்ப் - வெளியானதுஅதிகார பூர்வ அறிவிப்பு....

அதிபர் தேர்தலில் மீண்டும் டொனால்ட் டிரம்ப் - வெளியானதுஅதிகார பூர்வ அறிவிப்பு....




அமெரிக்க அதிபர் தேர்தலில் மீண்டும் போட்டியிட இருப்பதாக முன்னாள் அதிபர் டொனால்ட் டிரம்ப் அதிகாரப்பூர்வமாக அறிவித்துள்ளார். குடியரசுக்கட்சி சார்பில் இரண்டாவது முறையாக அதிபர் பதவிக்கு போட்டியிட டொனால்டு டிரம்ப் தோல்வி அடைந்தார்.

 இந்த நிலையில், வரும் 2024 ஆம் ஆண்டு நடைபெற இருக்கும் அதிபர் தேர்தலில் மீண்டும் போட்டியிட போவதாக அறிவித்து இருக்கிறார். அதிபர் தேர்தலில் போட்டியிடுவதற்காக அமெரிக்க மத்திய தேர்தல் ஆணையத்தில் ஆவணங்களையும் தாக்கல் செய்துள்ளதாக தெரிவிக்கப்பட்டுள்ளது.

 அதுமட்டுமன்றி தனது ஆதரவளர்கள் மத்தியில் உரையாற்றிய டொனால்ட் டிரம்ப், அமெரிக்காவின் மறுபிரவேசம் தற்போதில் இருந்தே தொடங்குகிறது" எனவும் தெரிவித்துள்ளமை குறிப்பிடத்தக்கது..
வவுனியா – பூந்தோட்டம் புனர்வாழ்வு நிலையத்திலிருந்து 05 கைதிகள் தப்பிப்பு.....

வவுனியா – பூந்தோட்டம் புனர்வாழ்வு நிலையத்திலிருந்து 05 கைதிகள் தப்பிப்பு.....




22 தொடக்கம் 30 வயதுக்கு இடைப்பட்ட 05 கைதிகள் நேற்று (15) மாலை தப்பிச் சென்றுள்ளதாக புனர்வாழ்வு ஆணையாளர் நாயகம் மேஜர் ஜெனரல் தர்ஷன ஹெட்டியாரச்சி தெரிவித்தார். இவ்வாறு தப்பிச் சென்றுள்ள கைதிகளை தேடும் நடவடிக்கை முன்னெடுக்கப்பட்டுள்ளதாக அவர் கூறினார். 

 இதேவேளை, கந்தக்காடு புனர்வாழ்வு நிலையத்தில் அண்மையில் ஏற்பட்ட அமைதியின்மையின் பின்னர் தப்பிச்சென்ற 07 கைதிகளை தேடும் நடவடிக்கைகள் முன்னெடுக்கப்பட்டுள்ளதாக புனர்வாழ்வு ஆணையாளர் நாயகம் மேஜர் ஜெனரல் தர்ஷன ஹெட்டியாரச்சி குறிப்பிட்டார். சம்பவம் தொடர்பில் கைது செய்யப்பட்ட 225 கைதிகளும் விளக்கமறியலில் வைக்கப்பட்டுள்ளனர்.
முன்னாள் பிரதமர் கொலைவழக்கிலிருந்து விடுதலையான இலங்கையர்களை நாடு கடத்த திட்டம்.....

முன்னாள் பிரதமர் கொலைவழக்கிலிருந்து விடுதலையான இலங்கையர்களை நாடு கடத்த திட்டம்.....





இந்தியாவின் முன்னாள் பிரதமர் ராஜீவ் காந்தியின் படுகொலையில் ஈடுபட்டதாக குற்றம் சாட்டப்பட்டு, சிறைத்தண்டனை அனுபவித்த நான்கு இலங்கை பிரஜைகளும் நீதிமன்றத்தால் அண்மையில் விடுவிக்கப்பட்டனர். குறித்த நால்வரும் சொந்த நாட்டிற்கு நாடு கடத்தப்படுவார்கள் என்று இந்திய மத்திய உள்துறை அமைச்சக தரப்புக்கள் தெரிவிக்கின்றன. 

சிறையில் இருந்து விடுவிக்கப்பட்ட முருகன் (ஸ்ரீஹரன்), ரொபர்ட் பயஸ், எஸ் ஜெயக்குமார் மற்றும் டி சுதேந்திரராஜா என்ற சாந்தன் ஆகிய நால்வரையும் நாடு கடத்துமாறு தமிழக அரசுக்கு மத்திய உள்துறை அமைச்சகம் உத்தரவு பிறப்பித்துள்ளது. இந்த நால்வரும் தற்போது திருச்சியில் சிறப்பு முகாமில் தங்க வைக்கப்பட்டுள்ளனர்.
 
 அவர்கள், இலங்கைக்கு நாடு கடத்தப்படுவதற்கு முன்னர் சில சட்ட நடைமுறைகள் பூர்த்தி செய்யப்பட வேண்டும் என தெரிவிக்கப்பட்டுள்ளது.. எனினும் அவர்கள் நாடு கடத்தப்படுவதற்கான காலக்கெடு அல்லது குறிப்பிட்ட திகதி எதுவும் நிர்ணயிக்கப்படவில்லை. இந்த விடுதலை மற்றும் நாடு கடத்தல்கள் தொடர்பில் இந்திய வெளிவிவகார அமைச்சின் மூலம் இலங்கை அரசாங்கத்துக்கு அறிவிக்கப்பட்டுள்ளது.

 இதேவேளை விடுவிக்கப்பட்ட சிலர் இலங்கையைத் தவிர வேறு நாடுகளுக்குச் செல்ல விரும்புவதாகக் கூறப்படும் நிலையில், அதில் தமிழ்நாடு அரசாங்கத்திற்கு எந்த ஆட்சேபனையும் இருக்காது எனவும் இருப்பினும் இது மற்ற நாடுகளின் விசாக்கள் கிடைப்பதை பொறுத்தது என இந்திய செய்தி ஊடகம் ஒன்று தகவல் வெளியிட்டுள்ளமை குறிப்பிடத்தக்கது.
பெண் பாலியல் முறைப்பாட்டில் கைதான நாமல்....

பெண் பாலியல் முறைப்பாட்டில் கைதான நாமல்....

 

 
பெண் ஒருவருக்கு பாலியல் தொந்தரவு மேற்கொண்ட குற்றச்சாட்டின் பேரில், ஊழல் எதிர்ப்பு முன்னணியின் செயற்பாட்டு பணிப்பாளர் நாமல் குமாரவை வரக்காபொல காவல்துறையினர் கைது செய்துள்ளனர். நாமல் குமார ஒரு கதிரையில் கட்டப்பட்டிருப்பதைக் காட்டும் பல படங்கள் மற்றும் காணொளிகள் சமூக ஊடகங்களில் பகிரப்பட்டு வந்த நிலையில், பெண் ஒருவர் வரக்காபொல காவல்நிலையத்தில் செய்த முறைப்பாட்டின் அடிப்படையில் நாமல் குமார கைது செய்யப்பட்டு வரக்காபொல வைத்தியசாலையில் அனுமதிக்கப்பட்டுள்ளதாக காவல்துறையினர் தெரிவிக்கின்றனர்.
 
   நாமல்குமார தனது வீட்டிற்குள் வைத்து தன்னை பாலியல் வன்புணர்வுக்கு உட்படுத்தியதாக குறித்த பெண் தமது முறைப்பாட்டில் தெரிவித்துள்ளார். பின்னர், அவரை வீட்டில் இருந்து வெளியே இழுத்து வந்து மரத்தில் கட்டி வைத்து தாக்கியதாகவும் குறித்த பெண் தனது முறைபாட்டில் தெரிவித்துள்ளார்.
 
 மேலும் நான்கு பேரும் நாமலை தாக்கியுள்ளனர் என்று காவல்துறை தெரிவித்துள்ளது. நாமல் குமாரவினால் பாலியல் வன்புணர்வுக்கு உள்ளானதாக கூறப்படும் குறித்த பெண் வரக்காபொல வைத்தியசாலையில் அனுமதிக்கப்பட்டு, பின்னர் அங்கிருந்து வெளியேறியுள்ளார்.  
 
இந்நிலையில் வாரியகொட பகுதிக்கு சட்டவிரோத மதுபானம் விற்பனை செய்யும் வீடொன்று தொடர்பில் தகவல் சேகரிப்பதற்காக தனது மனைவியுடன் சென்றபோது குறித்த பெண் உள்ளிட்ட குழுவினரால் தான் வரக்காபொலவில்  வைத்து  தாக்கப்பட்டதாக நாமல் குமார வரக்காபொல காவல்நிலையத்தில் முறைப்பாடு செய்துள்ளார்.
 அதுமட்டுமன்றி பிரதேசத்திற்குப் பொறுப்பான பிரதிப் காவல்துறைமா அதிபர் மற்றும் வரக்காபொல காவல்துறை பொறுப்பதிகாரி ஆகியோர், அப்பகுதியில் இடம்பெறும் சட்டவிரோதச் செயற்பாடுகள் தொடர்பான தகவல்களைத் திரட்டுமாறு தன்னிடம் கோரியதாக நாமல் குமார மேலும்  தெரிவித்துள்ளார்.  
 
 எவ்வாறாயினும் நாமல் குமார ஒருபோதும் காவல்துறையினருக்கு எந்தவிதமான தகவலையும் வழங்கவில்லை என காவல்துறையினர் தெரிவித்துள்ள இதேவேளை, நாமல் குமார தாக்கப்பட்டதாக கூறப்படும் சம்பவம் தொடர்பில் சந்தேகநபரான பெண் உட்பட ஐவரை காவல்துறையினர் கைது செய்துள்ளனர். சந்தேகநபர்கள் நேற்று (02) வரக்காபொல நீதிமன்றில் முன்னிலைப்படுத்தப்பட்டதன் பின்னர் பிணையில் விடுவிக்கப்பட்டுள்ளமை குறிப்பிடத்தக்கது.
ரசிகரின் கருத்திற்கு தவறுதலாக பதிலளித்த நடிகர் கமல்ஹாசன்.... ..

ரசிகரின் கருத்திற்கு தவறுதலாக பதிலளித்த நடிகர் கமல்ஹாசன்.... ..

 
 

பிக்பாஸ் தமிழ் 6ஆவது சீசன் கடந்த ஐப்பசி மாதம்  9ஆம் திகதி கோலாகலமாக தொடங்கி விறுவிறுப்பாக நடைபெற்று வருகிறது. இதில்   ஜிபி முத்து தாமாக முன்வந்து வெளியேறிய நிலையில்  ஷாந்தி மற்றும் அசல் எலிமினேட் செய்யப்பட்டனர்.  இப்படி பரப்பரப்பாக நடைபெற்று கொண்டிருக்கும் இந்த நிகழ்ச்சி 24 நாட்களை எட்டியுள்ளது. 
 
கடந்த வாரம் தொகுப்பாளர் உலக நாயகன் கமல்ஹாசன் சகபோட்டியாளர்களை உடல் மொழி கேலி செய்த அசீமையும் மணிகண்டனையும் கண்டித்து பேசினார். இதற்கு ரசிகர்கள் பலர் ஆதரவு தெரிவித்து வந்த நிலையில், ரசிகர் ஒருவர், "கடந்த வாரம் பிக்பாஸ் வீட்டில் உடல்மொழி கேலி செய்த அசீம் மற்றும் மணிகண்டனை கமல்ஹாசன் கையாண்ட விதம் ஒவ்வொரு வீட்டிற்கும் சென்றடைந்துள்ளது. அதோடு நிறுத்தாமல், ஏடிகேவை அனைவரையும் போல நடித்து காண்பிக்க செய்து வித்தியாசத்தை விளக்கினார்" என்று நடிகர் கமலை குறிப்பிட்டு தனது ட்டுவிட்டர் வலைதளத்தில் பதிவிட்டிருந்தார். 
 
 
 
 இந்த பதிவிற்கு பதிலளித்த கமல், "நன்றி மவுலி அநாகரிகமோ, அவமானமோ இல்லாமல் நகைச்சுவை செய்யத் தூண்டிய தலைவர்களில் நீங்களும் ஒருவர். உங்களைபோல் பெருமைமிகுந்த மனிதர்களின் வரிசையில் நாங்களும்" என பதிலளித்தார்.
 
 கமலின் பதிவை பார்த்த ரசிகர், "தவறுதலாக புரிந்து கொள்ளப்பட்டது போல் தெரிகிறது. ஆனால் என்னுடைய கருத்துகள் தங்களை வந்தடைந்திருக்கிறது. இதைப் பயன்படுத்திக் கொண்டு ஒன்று கூறுகிறேன், திரைதுறையில் மாற்றுப் பாலினத்தவர் குறித்து விழிப்புணர்வை ஏற்படுத்த வேண்டுமென கேட்டுக் கொள்கிறேன்” என்று குறிப்பிட்டுள்ளார். 
 
தொடர்ந்து, நடிகர் கமல் "இயக்குனரும் மூத்த நடிகருமான மௌலி என தவறுதலாக நினைத்துவிட்டேன். இருந்தாலும் தங்களுடைய பாராட்டுக்கு நன்றி!" என்று பதிவிட்டுள்ளார். இந்த பதிவுகள் தற்போது சமூக வலைதளத்தில் வைரலாகி வருகின்றமை கறிப்பிடத்தக்கது.
பல்கலைக்கழக மாணவிகள் சரியாக பர்தா அணியாததால் விரட்டடியடிப்பு....

பல்கலைக்கழக மாணவிகள் சரியாக பர்தா அணியாததால் விரட்டடியடிப்பு....

  
 

பெண்களுக்கு கடுமையான கட்டுப்பாடுகளை விதித்து ஆப்கானிஸ்தானில் தாலிபான் ஆட்சி நடந்து வருகிறது.
 
அத்துடன்  பெண் குழந்தைகள் பள்ளிக்கு செல்வதற்கு தடை விதித்தமையால்   சர்வதேச அளவில் கடும் எதிர்ப்பு கிளம்பியது. இந்த நிலையில் பல்கலைக்கழக மாணவிகளை தலிபான்கள் தாக்கும் வீடியோ வெளியாகி அனைவரையும் பரபரப்பாக்கியுள்ளது.
 
 வடகிழக்கு ஆப்கானிஸ்தானில் உள்ள படாசவுன் பல்கலைக்கழக நுழைவு வாயில் முன்பு மாணவிகள் பலர் காத்து இருக்கிறார்கள். அவர்களை பல்கலைக்கழகத்துக்குள் நுழைய விடாமல் தாலிபான்கள் தடுத்து நிறுத்தி  பின்னர்  மாணவிகளை தாக்கி விரட்டியடிக்கிறார். இதனால் மாணவிகள் அங்கிருந்து ஓடுகிறார்கள்.
 
 பர்தா அணியாததால் பல்கலைக் கழகத்துக்குள் செல்ல அனுமதிக்கவில்லை என்று தெரிவிக்கப்பட்டது .   ஆனால் மாணவிகள் அனைவரும் சரியாக பர்தா அணிந்து இருந்தனர். ஆனாலும் அவர்களை வகுப்புக்கு செல்ல விடாமல் தடுத்து விரட்டியடித்துள்ளனர். மாணவிகளை தாக்கிய அதிகாரி தாலிபான் அரசாங்கத்தின் துணை மற்றும் நல்லொழுக்க அமைச்சகத்தின் அதிகாரி என்பது தெரிய வந்துள்ளமை குறிப்பிடத்தக்கதாகும்
இணையத்தை கலக்கும் அவதார் 2 பட ட்ரெய்லர்.....

இணையத்தை கலக்கும் அவதார் 2 பட ட்ரெய்லர்.....

 
ஜேம்ஸ் கேமரூன் இயக்கத்தில், 2009இல் திரைக்கு வந்த அவதார் படம் உலகம் முழுவதும் வசூல் சாதனை நிகழ்த்தியது. படத்தில் இடம்பெற்ற கற்பனை உலகமும், கிராபிக்ஸ் தொழில்நுட்பங்களும் ரசிகர்களை பெருமளவில் கவர்ந்தன. தற்போது அவதார் படத்தின் இரண்டாம் பாகம் தயாராகி உள்ளது. 
 
அவதார் 2 (தி வே ஆப் வாட்டர்) என்று பெயர் வைக்கப்பட்டுள்ள இப்படம் உலகம் முழுவதும் தமிழ், தெலுங்கு, ஹிந்தி, கன்னடம், மலையாளம் ஆகிய இந்திய மொழிகள் உள்பட 160 மொழிகளில், மார்கழி 16 ஆம் திகதி வெளியாகவுள்ளது. இந்நிலையில்,' அவதார்: தி வே ஆப் வாட்டர்' படத்தின் டிரைலரை படக்குழு  நேற்று வெளியிட்டுள்ளது. 
 
 


பெரும் எதிர்ப்பார்பில் உருவாகியுள்ள இப்படத்தின்  இணையத்தில் வைரலாகி வருகிறது.
பாரிஸில் காதலை சொன்ன ஹன்சிகாவின் காதலர்...!

பாரிஸில் காதலை சொன்ன ஹன்சிகாவின் காதலர்...!

 
 
தமிழில் எங்கேயும் காதல் படம் மூலம் ரசிகர்களை கவர்ந்த நடிகை ஹன்சிகா  மாப்பிள்ளை, வேலாயுதம், சிங்கம் 2, பிரியாணி, அரண்மனை உள்ளிட்ட பல படங்களில் நடித்துள்ளார்.    தெலுங்கிலும் முன்னணி கதாநாயகியாக வலம் வந்தவர்  தற்போது தமிழில் 4 படங்கள், தெலுங்கில் 2 படங்கள் கைவசம் வைத்து நடித்து வருகிறார். 
 
 
 
கடந்த 2020இல் ஹன்சிகாவும், சோகேல் என்பவரும் இணைந்து புதிய தொழில் ஒன்றை தொடங்கினார்கள். அப்போது இருவருக்கும் ஏற்பட்ட பழக்கம் காதல் முதல் கல்யாணம் வரை வந்துள்ளதாக தகவல் வெளியானது. 
 
 
 
இந்நிலையில் ஹன்சிகாவின் காதல் பிரான்ஸ் பாரிஸில் வைத்து ஹன்சிகாவிற்கு ப்ரபோஸ் பண்ணிய புகைப்படங்கள் இணையத்தில் வைரலாகி வருகின்றது....




வௌிநாடுகளுக்குச் செல்ல வேண்டாம்  - இலங்கை வெளிநாட்டு வேலைவாய்ப்பு பணியகம்

வௌிநாடுகளுக்குச் செல்ல வேண்டாம் - இலங்கை வெளிநாட்டு வேலைவாய்ப்பு பணியகம்

 
 

சுற்றுலா விசா மூலம் தொழில் நிமித்தம் வௌிநாடுகளுக்குச் செல்ல வேண்டாம் என இலங்கை வெளிநாட்டு வேலைவாய்ப்பு பணியகம், நாட்டு மக்களிடம் கோரிக்கை விடுத்துள்ளது.  
 
 ஐக்கிய அரபு இராச்சியம் மற்றும் ஓமான் ஆகிய நாடுகளுக்கு சுற்றுலா விசா மூலம் சென்றவர்களில் சிலர் தொழிலின்றி நிர்க்கதிக்குள்ளாகியுள்ளதாக வெளிநாட்டு வேலைவாய்ப்பு பணியகத்தின பிரதிப் பொது முகாமையாளர் காமினி செனரத் யாப்பா தெரிவித்துள்ளார்
 
 சுற்றுலா விசா மூலம் தொழில் நிமித்தம் வௌிநாடுகளுக்குச் செல்வதற்கு எதிர்பார்த்துள்ள நபர்களை பதிவு செய்யும் நடவடிக்கை தற்போது நிறுத்தப்பட்டுள்ளதாக இலங்கை வெளிநாட்டு வேலைவாய்ப்பு பணியகத்தின் பிரதி பொது முகாமையாளர் காமினி செனரத் யாப்பா மேலும்  கூறியுள்ளமை குறிப்பிடத்தக்கது.
ஏப்ரல் தாக்குதலுக்கும் ரிஷாட் பதியுதீனிற்கும் சம்மந்தம் இல்லை.. விடுதலையான முன்னாள் அமைச்சர்..

ஏப்ரல் தாக்குதலுக்கும் ரிஷாட் பதியுதீனிற்கும் சம்மந்தம் இல்லை.. விடுதலையான முன்னாள் அமைச்சர்..

 

 
2019 ஆம் ஆண்டு ஏப்ரல் மாதம் 21 ஆம் திகதி இடம்பெற்ற உயிர்த்த ஞாயிறு பயங்கரவாத தாக்குதலுக்கு உதவிய குற்றச்சாட்டில் பயங்கரவாத தடைச்சட்டத்தின் கீழ் தொடரப்பட்ட வழக்கில் இருந்து முன்னாள் அமைச்சர் ரிஷாட் பதியுதீனை விடுவிக்குமாறு கோட்டை நீதவான் திலின கமகே நேற்று உத்தரவிட்டுள்ளார். 
 
 பயங்கரவாத தடைச்சட்டத்தின் கீழ் சந்தேகநபருக்கு எதிராக வழக்குத் தாக்கல் செய்வதற்கு போதிய ஆதாரங்கள் இல்லை என சட்டமா அதிபர் வழங்கிய அறிவுறுத்தலுக்கு அமைய, நீதவான் இந்த உத்தரவை பிறப்பித்தார்.
 
 சந்தேகநபரான ரிஷாட் பதியுதீன் நேற்று நீதிமன்றத்தில் ஆஜராகியிருந்தார். கடந்த வருடம் ஏப்ரல் மாதம் 24 ஆம் திகதி குற்றப்புலனாய்வுப் பிரிவினரால் கைது செய்யப்பட்ட ரிஷாட் பதியுதீன், 111 நாட்களாக தடுத்து வைக்கப்பட்டு, விசாரணைக்கு உட்படுத்தப்பட்ட பின்னர் அதே வருடம் ஆகஸ்ட் 10 ஆம் திகதி முதன்முறையாக கோட்டை நீதவான் நீதிமன்றில் முன்னிலைப்படுத்தப்பட்டதுடன், விளக்கமறியலில் வைக்கப்பட்ட பின்னர் பிணையில் விடுதலை செய்யப்பட்டமை குறிப்பிடத்தக்கது.
தளபதி விஜய்க்கு வில்லன் விஷாலா?

தளபதி விஜய்க்கு வில்லன் விஷாலா?

 
 
விஜய் தற்போது வம்சி இயக்கத்தில் வாரிசு படத்தில் நடித்து வருகிறார். இதில் விஜய்க்கு ஜோடியாக ராஷ்மிகா மந்தனா நடித்து வருகிறார். 
 
இப்படத்துக்கு பிறகு விஜய் நடிக்கும் 67ஆவது படத்தை லோகேஷ் கனகராஜ் இயக்கவுள்ளார். இதில் நடிகர் அர்ஜுன், ஹிந்தி நடிகர் சஞ்சய்தத், இயக்குனர் கௌதம் மேனன், மிஷ்கின் ஆகியோர் வில்லன்களாக நடிக்க உள்ளதாக ஏற்கனவே தகவல்கள்  வெளியாகியுள்ள நிலையில்  இப்படத்தில் வில்லனாக விஷாலை நடிக்க வைக்க முடிவு செய்யப்பட்டுள்ளதாக கூறப்படுகிறது.
 
 இதற்காக விஷாலை லோகேஷ் கனகராஜ் நேரில் சந்தித்து பேசி கதையும் சொல்லி உள்ளதாகவும் தகவல் வெளியாகியுள்ளது. கைதி பட பாணியில் கேங்ஸ்டர் படமாக இப்படம் தயாராக உள்ளதாக சினிமா வட்டாரங்கள் முணுமுணுத்து வருவதாக தெரிவிக்கப்படுகின்றமை குறிப்பிடத்தக்கது.


படவாய்ப்புகளுக்காக கவர்ச்சி புயலாக மாறிய இலங்கை நடிகை லாஸ்லியா !

படவாய்ப்புகளுக்காக கவர்ச்சி புயலாக மாறிய இலங்கை நடிகை லாஸ்லியா !

பிக்பாஸ் சீசன் 3 நிகழ்ச்சி மூலம் ரசிகர்கள் மத்தியில் பிரபலமானார். லாஸ்லியாவுக்கு ரசிகர்கள் தனி ஆர்மியே உருவாக்கினார்கள்.    லாஸ்லியா இன்ஸ்டாகிராமில் ஹரிஷ் கல்யாணின் திருமணத்திற்கு சென்றபோது   பகிர்ந்த லேட்டஸ்ட் புகைப்படங்கள் தற்போது வைரலாகி வருகிறது.
 
 
இலங்கை நடிகை லாஸ்லியா 
 
இலங்கை நடிகை லாஸ்லியா
இலங்கை நடிகை லாஸ்லியா
இலங்கை நடிகை லாஸ்லியா

இலங்கை நடிகை லாஸ்லியா
 

பொருட்களுக்கான விலைகுறைப்பை வியாபாரிகள் பொது மக்களுக்கு பொடுப்பதில்லை.....

பொருட்களுக்கான விலைகுறைப்பை வியாபாரிகள் பொது மக்களுக்கு பொடுப்பதில்லை.....

 
 

பொருட்களுக்கான விலை குறைப்பின் பயனை மக்களுக்கு துரிதமாக பெற்றுக் கொடுக்க நடவடிக்கை எடுக்கப்படும் என வர்த்தக அமைச்சர் நளின் பெர்னாண்டோ தெரிவித்துள்ளார். 
 
 இந்த பயனை பெரும்பாலான வியாபாரிகள் மக்களுக்கு பெற்றுக்கொடுப்பதில்லை என அமைச்சர் இதன்போது சுட்டிக்காட்டினார்.
 
 அதற்கமைய, பல்பொருள் அங்காடிகள் உள்ளிட்ட உணவு விநியோக சங்கங்களின் பிரதிநிதிகளுடன் கலந்துரையாடி, அதற்கான தீர்வுகளை வழங்கவுள்ளதாக அமைச்சர் நளின் பெர்னாண்டோ இதன்போது தெரிவித்துள்ளமை குறிப்பிடத்தக்கது.
இரண்டு வார காலத்திற்குள் அரசியலமைப்பு சபை ஸ்தாபிக்கப்படும் - அமைச்சர் விஜேதாஸ ராஜபக்ஷ

இரண்டு வார காலத்திற்குள் அரசியலமைப்பு சபை ஸ்தாபிக்கப்படும் - அமைச்சர் விஜேதாஸ ராஜபக்ஷ

 

 
எதிர்வரும் இரண்டு வார காலத்திற்குள் அரசியலமைப்பு சபை ஸ்தாபிக்கப்படுமென நீதி மற்றும் அரசியலமைப்பு மறுசீரமைப்பு அமைச்சர் விஜேதாஸ ராஜபக்ஸ தெரிவித்துள்ளார். சபாநாயகர் பங்கேற்புடன் அதற்கான நடவடிக்கைகள் முன்னெடுக்கப்படுவதாக அமைச்சர் கூறியுள்ளார். 
 
 அண்மையில் நிறைவேற்றப்பட்ட அரசியலமைப்பின் 21ஆவது திருத்தத்தில் சபாநாயகர் நேற்று முன்தினம் (31) கையொப்பம் இட்டதோடு, அது சட்டமாக கொண்டுவரப்பட்டுள்ளததோடு அரசியலமைப்பு சபை 10 உறுப்பினர்களை கொண்டதாக அமைக்கப்படவுள்ளது.
 
 இதனிடையே, 21ஆவது திருத்தம் அமுல்படுத்தப்பட்டதுடன், நீதிச் சேவை ஆணைக்குழு தவிர்ந்த ஏனைய ஆணைக்குழுக்கள் பதில் நிலையில் செயற்படுத்துவதற்கு தீர்மானிக்கப்பட்டுள்ளதாக அமைச்சர் விஜேதாஸ ராஜபக்ஸ தெரிவித்துள்ளார். அரசியலமைப்பு சபை ஸ்தாபிக்கபட்டதும் சுயாதீன ஆணைக்குழுக்களுக்கான உறுப்பினர்கள் நியமிக்கவுள்ளதாக அமைச்சர் தெரிவித்துள்ளமை குறிப்பிடத்தக்கது.